ابغى احكيلكم عن موضوع حصل مع واحده من صديقاتي عايشه بره السعوديه يعني في بلد اوروبي
المهم هاذي البنت عايشه مع اهلها هناك وهاذي البنت تدرس في الكليه وعاد انتو تعرفون كلياتهم هناك
كلها اختلاط وحركات المهم هاذي البنت ماكان همها الا دراستها وفي يوم عرفت انو واحد يحبها بس هذ
الواحد من نفس جنسيتها ومسلم ومافي عيب المهم هي درت بالموضوع وماتوقعت انو الولد يتعلق فيها
يوم بعد يوم وقام الولد واتفق معها على انو يخطبها وراح يبي يخطبها من ابوها مايلاقي الولد المسكين
من ابوها الا انو مطلع فيه عيوب الدنيا كلها يعني ابو البنت رافض والبنت والولد خلاص تحطموا من جد
بس الولد من جد متعلق في البنت مره بس ايش يسوون والولد قال انا برجع لاهلك بس اهم شي انك
تكوني لي يالله وين نلاقي كذا وقال الولد انا برجع لابوكي والبنت خايفه ومتاكده انو ابوها بيرفض
المهم البنت الحين طفشت من كثر الولد مايقولها انتي لي وكذا وبدا حتى حبها له يخف وهي الحين تبغاه
يتركها بس هو متمسك فيها وهي قالت كذا عشان عارفه انو مستحيل تتزوجه لانو ابوها مستحيل يوافق
وهي الحين تبغى منكم المساعده اذا فيكم يعني تبغى تساعدونها كيف الولد يتخلى عنها ايش تسوي يعني
اتمنى منكم اخواني واخواتي اعضاء المنتدى المساعده
ردودكم
