كان فليسكو يقود سيارته بسرعه جنونيه وهو شارد الذهن .. ويمسك بإحدى يديه مقود السيارة بينما اليد الأخرى تحمل الورقه التي كانت السبب في شروده الذهني .. أعاد فليسكو النظر في الورقه وقراءتها .. (( يااااااالهوي يااااااالهوي .. ابوك إتئتل يافليسكو .. إلحئني يابني .. آآآآآآآه ياااااااني )) ..
سقطت دمعه من عين فليسكو وهو يقرأ الرساله التي كانت من أمه حنفيه والتي كانت تخبره بأن أبوه شداد قد قتل .. وبينما فليسكوغارق في حزنه سمع صوت يقول له .. يافليسكوابوك يعز عليك ..؟؟
رد فليسكو : وش اللي ابوك يعز عليك .. اللي يسمعك هالحين يقول إنك تتكلم عن واحد دارس معاي الثانوي ... اكيد ابوي يعز علي واعتبره مثل أمي ...
ورجع الصوت يقول فليسكو.. ياخوي تراه أبوك يعني ماله داعي تزعل عليه كل هالزعل .. أجل لو انه ولد عمك وش بتسوي ..!!!
إلتفت فليسكوعلى يمينه وقال .. والله انك صادق .. بس ياكندره انا أول مره يموت ابوي .. عشان كذا متأثر ..!!
رد عليه الكندره .. يارجال وسع صدرك .. شفني انا ابوي مات أكثر من مره وعادي ماصار شي ...
فليسكو .. يعني تتوقع ابوي يعيش ..؟؟؟
الكندره .. يارجال انت لا تكبر الموضوع كلها حبتين بنادول ويرجع مثل أول وأحسن ..
كان الشخص الذي يجلس بجانب فليسكوفي السيارة هو صديقة الكندره .. ودعونا في أسطر قليله نتعرف على فليسكووالكندره ونعرف نبذه عن حياتهم قبل أن نبحر في حكايتنا .. حكاية ثار فليسكو..
فليسكو.. ولد في الصحراء .. وبالتحديد في قبيلة الشيخ فجحان المحدوده .. أبوه شداد يعمل راعي عند الشيخ فجحان .. وكان شداد من أغنياء القبيله وفرسانها قبل أن يخسر كل أمواله في إحدى صفقات البعارين .. حيث اشترى مجموعه كبيره من البعارين وماتت بعد أقل من اسبوع .. وكان شداد قد تزوج من حنفيه أخت الشيخ حنفي شيخ قبيلة حنفي وأخوانه .. حيث كان شداد في رحلة عمل في قبيلة حنفي واخوانه ورأى حنفيه وأعجب بها وبجمالها وطلب من أخوها الزواج منها فوافق وتم الزواج وأخذها إلى قبيلته .. ورزق شداد وحنفيه بولدهم فليسكو.. وكبر فليسكو وأرسله أبوه إلى اخواله لكي يدرس عندهم .. لأن قبيلة الشيخ حنفي كان يوجد بها مدارس .. وعندما أنهى فليسكوالمرحله الثانويه أرسله أبوه إلى مدينة الرياض ليبحث عن عمل هناك ..
وفي المدينه تعرف فليسكوعلى صديقه الكندره .. وكان الكندره أغبى مخلوقات الله لدرجة أنك عندما تقابله تحس إنك واقف قدام صندوق طماط من زود الدلاخه .. كما أن الكندره عندما أجريت له بعض الفحوصات في أحد المستشفيات تبين أنه متوفي دماغياً .. حيث أن جسمه يتحرك ولكن عقله ميت ومتوقف عن العمل ..!!
وكان فليسكولايعرف من البداوه إلا اسمها لأنه تربى في قبيلة حنفي المتطوره قليلاً .. وهذا ماجعله مكروهاً في قبيلته واصبحوا ينادونه الرخمه في .. واحياناً ينادونه الحضري المخنز ..
وفي أحد الأيام جاءت رساله إلى فليسكو من أمه تخبره أن ابوه انقتل .. وأن عليه الحضور حالاً .. وهذا ماجعل فليسكو يعود إلى قبيلته مسرعاً برفقة صديقه الكندره ..
وصل فليسكووالكندره إلى قبيلة الشيخ فجحان .. وكان أفراد القبيله مجتمعين في خيمة الشيخ فجحان .. دخل فليسكو ومعه الكندره إلى الخيمه .. وقام الشيخ فجحان ومن معه بالسلام على فليسكو وتعزيته في موت والده .. وبعد أن تلقى فليسكوواجب العزاء جلس وبجانبه صديقه الكندره .. وفي هذه اللحظه تكلم الشيخ فجحان وقال .. متى تبينا نصلي على ابوك يافليسكو ..؟؟
رد فليسكوببلاهه : والله لو ان ابوي سجاده عشان تصلون عليه ..!!
وحاول الشيخ فجحان أن يتدارك الموقف وقال .. خلاص خلاص بنصلي عليه بعد صلاة العصر وبعدها ندفنه ..
رد فليسكو.. وش اللي تدفنونه ليش ناوين تسوون ابوي مندي ..!!!
الشيخ فجحان .. ماعليه يافليسكويمكن ان الصدمه مأثره فيك وماتدري وش تقول لكن لازم ندفن ابوك لأن اكرام الميت دفنه ...
فليسكو.. ياجماعه ماله داعي الرسميات ولا تخلون الموضوع رسمي .. عادي ارموا ابوي في اقرب برحه .. مايحتاج دفن ورسميات ولا قسم بالله لو يموت ابوي مره ثانيه ما أجيكم ..!!
وقام الشيخ فجحان وهو معصب وقال .. ياخوي مسيحي انت .. وش اللي رسميات وخرابيط .. يالله قوموا ياجماعه خلونا نغسل الميت ونجهزه للدفن ..
وقاموا جماعة الشيخ فجحان وبقي فليسكووالكندره في المجلس .. ونظر الكندره الى فليسكووقال : والله لو ادري ان السالفه فيها رسميات ماجيت معاك ..
فليسكو: ياخوي وش اسوي لهم .. انا لو علي كان رميت ابوي في اقرب مكان وخليته .. لكن انت عارف البدو وحركاتهم يحبون الهياط الله يهديهم .. غسل ودفن ومادري ايش .. ياخي مادري ليش احس ان اللي ميت تيس موب ابوي ..!! لكن قوم معاي ياكندره خلنا نسلم على أمي على بال مايخلصون الجماعه ..
توجه فليسكووالكندره إلى خيمة ام فليسكو.. ودخل فليسكوعلى أمه بينما الكندره ينتظره في الخارج .. ووجد فليسكوامه حزينه وتبكي ... وقال فليسكو.. سلامات يمه وش فيك تبكين ..
ردت أمه .. شفت يافليسكو.. ابوك اتئتل .. ابوك انخطف مننا ..
فليسكو.. وش اللي ابوي انخطف والله لو انه بنت .. الله يهديك يمه بس تعوذي من ابليس ولا تكبرين الموضوع ...
وزاد بكاء حنفيه أم فليسكووقالت .. أكبر الموضوع اييييه يامعفن .. بأولك ابوك انئتل وتئول ماتكبريش الموضوع .. امشي من وشي الساعه دي لأحسن والله العظيم ثلاثه اخليك تلحق ابوك ...!!
قال فليسكووهو يغادر الخيمه : أما الحق ابوي .. ارنب ذا موب ابو ....
وزاد صراخ أم فليسكووهي تقول : رحت فين ياشداد وسبتلي المصيبه دي .....
وقف فليسكوورد باستغراب : من شداد ذا ...؟؟؟؟
قالت أم فليسكو: شداد اسم ابوك يامعفن ....
وانصدم فليسكووقال : أمااااااا اسم ابوي شداد .. وانا محترمه كل هالسنين وآخرتها يطلع اسمه شداد .. زين انه مات أجل ولا كان تفلت في وجهه هو واسمه ..!!!!
وفي هاللحظه انفجرت أم فليسكوفي ابنها : اطلع بررررا ياوسخ يامعفن ....
رد فليسكووهو طالع من خيمة أمه : خلاص خلاص باطلع .. بعدين إذا أنا معفن أجل انتي وشو .. أول مره أشوف أم ريحتها تونه ..
خرج فليسكوالى صديقه الكندره .. وقال له الكندره : هاه بشر وش صار معاك ..؟؟
فليسكو: ياخوي ابوي شكله مسوي بلوه .. كل ماكلمت أحد لقيته زعلان عليه ..!!
الكندره .. يارجال وسع صدرك هم دايم كذا الآباء ينكبون عيالهم .. وصدق المثل اللي قال : اذا كبر ابوك خاويه ..!!
وبعد أن تمت مراسم الدفن والعزاء .. اجتمع فليسكووالكندره مع باقي رجال القبيله في مجلس الشيخ فجحان .. وقال الشيخ فجحان : شوف يافليسكو.. ابوك انقتل وانت لازم تآخذ ثار ابوك ..
رد فليسكو.. والله السياره ماتكفي .. لكن خلو ثار ابوي عندكم .. والمره الجايه باجيب دينّه واحملّه معي ..
وتدخل الكندره وقال .. لا لا يافليسكوفيه مكان في المرتبه اللي ورى .. ماله داعي نروح ونرجع ..!!
رد الشيخ فجحان بغضب : ياخوي حمار انت وياه .. وش اللي دينّه والمرتبه اللي ورى وخرابيط .. دولاب هو .. ثار ابوك يعني انت لازم تقتل اللي قتل ابوك فاهم ولا لا ..!!
رد فليسكوبعد أن بلع ريقه من الخوف : اوووف السالفه فيها قتل .. لا ياخوي فكوني أصلاً انا ما أداني ابوي .. واصلاً زين انه انقتل .. وش هالابو اللي اسمه شداد .. اسم كلب ذا موب اسم ابو ..
وتدخل الكندره : صادق صادق حتى هو كان دايم يقول ان ابوه يقرب له من بعيد وانه مايدانيه ..
رد الشيخ فجحان بغضب .. كلك تبن انت وياه .. وثار ابوك يافليسكولازم تآخذه انت بنفسك عشان ماتجيب العار للقبيله .. وان ما أخذت ثار ابوك بنذبحك ذبحة الكلب انت وخويك ..
بلع فليسكووالكندره ريقهم من الخوف وقال فليسكو.. طيب ياشيخ وش درانا من اللي قتل ابوي ..؟؟؟
قال الشيخ فجحان .. احنا نعرف من اللي قتل ابوك .. اللي قتله قطّاع طريق وحرامي اسمه محماس ..!!
قال فليسكو.. محماس .. اسم مطعم ذا موب آدمي .. طيب ياشيخ وين نلقاه هذا ..؟؟؟
رد الشيخ فجحان .. هو ماله مكان محدد .. انتم دوروه في البر وبتلقونه .. وانا راح اعطي كل واحد منكم خيل وسيف عشان تدورونه .. يالله قوم انت وياه وتجهزوا ..
وتجهز فليسكووالكندره وعطى الشيخ كل واحد منهم خيل وسيف .. وراح فليسكويودع أمه وقال لها : يمه انا باروح آخذ ثار ابوي .. توصين على شي من هناك ..!!
قالت له أمه : روح يابني ربنا يجعل لك في كل خطوه سلامه , ربنا يبعد عنك ولاد الحرام , ربنا ينور طريقك .. رب.....
قاطع فليسكوامه وقال : خلاص يمه خلاص .. ليش تحسسيني اني جالس في خطبة الجمعه .. يلعن ابليسك يمه من يوم عرفتك وانتي تدعين لي ولا تغير فيني شي ..!!!
وزعلت أم فليسكووقامت تدعي عليه : روح ربنا يأخدك , ربنا ينيلك ....
رد فليسكووهو متوجه لخارج الخيمه : أما ينيلني .. والله لو اني ثوب ..!!
وبعد ماطلع فليسكومن خيمة أمه لقى بنت شعرها منكوش وشفايفها مشققه ووجهها كله غبار وملابسها وصخه وواقفه قدام الخيمه .. قرّب فليسكومن البنت وهو مذهول من شينها .. قالت له البنت : كيف حالك يافليسكو..؟؟
رد فليسكوبارتباك : والله من زمان كل يوم وانا دايم كذا وانام بدري وعليكم السلامات ماتشوفين شر ..!!
ردت البنت باستغراب : وش تقول أنت ..؟؟
فليسكو: والله مادري بس حسيت بودخه يوم شفتك ..!!
البنت : كذا يافليسكوتغيب كل هالسنين ولا تسأل عني ..!!
فليسكوومازالت آثار الذهول على وجهه : وش اللي اسأل عنك .. والله لو انك مفاتيح سيارتي ..!! واستدرك فليسكونفسه وقال : مين انتي ..؟؟
البنت : أنا بنت الشيخ فجحان ..
فليسكو: طيب وش اسمك ..؟؟
البنت : اسمي وضحى ..
فليسكو: أنا أبي اسمك مابي عيارتك ..!!
البنت : اسمي وضحى .. نسيتني يافليسكو.. نسيت يوم كنا صغار وماكنا نفترق إلا وقت النوم ...
فليسكو: وانا أقول ليش دايم أحس إن طفولتي وصخه ..!!
نزلت البنت راسها من الخجل وقالت : الله يخليك يافليسكوانتبه لنفسك وارجع لنا بسرعه لأن ابوي مصمم يزوجني من ولد عمي سند ...
رد فليسكوبدلاخه : طيب وانا وش دخلني في السالفه ..؟؟
طلعت وضحى سكين من ملابسها وحطتها على رقبة فليسكووقالت : وش اللي وش دخلك انت وجبهتك .. هاللحين انت ماقلتلي واحنا صغار انك بتتزوجني .. وانا من هذاك اليوم وانا أرد العرسان عشانك وتجي هالحين وتقول وش دخلني ..!!
رد فليسكوبخوف : طيب يمكن إني كنت أمزح معاك ..!!
ردت البنت بصوت مرتفع : إمزح عند أمك موب عندي .. وعلمن يجيك ويتعداك .. أنا مانيب متزوجه إلا أنت غصبن عليك فاهم ولا لا ..؟؟
فليسكوبخوف : طيب طيب باتزوجك بس وخري السكين ....
ووخرت وضحى السكين وراحت من قدام فليسكو.. وفليسكومازال في حالة ذهول ويقول لنفسه : يلععععععععن أم القبيله اللي كل شي فيها بالغصب ..!!
رجع فليسكولخويه الكندره وركبوا خيولهم وكان في وداعهم الشيخ فجحان وافراد قبيلته .. وقال الشيخ فجحان لفليسكو: اسمع يافليسكو.. اذا واجهتم مشكله طرشلي مرسال ..
رد فليسكو.. والله ما أقدر أطرش لك مرسال ياشيخ .. لكن إذا تبي أطرش لك مرقوق ولا أطرش بيض وطمام ابشر ..
قال الشيخ فجحان بعصبيه .. طرش مرسال يعني أرسل لي خويك ياثور .. واسمع أنت وخشتك ياويلك لو ترجع بدون ثار ابوك .. ولا تشيل هم أمك .. انا باحطها في عيوني ..
قال فليسكو.. أما تحطها في عيونك .. عدسات هذي ميب أم ..!!! وعصب الشيخ فجحان وقال : انقلع الله يلعن هالوجه يالرخمه ....
وانطلق فليسكووالكندره بخيولهم وسط سب وشتم ولعن من الحاضرين ..
وفي الطريق قال الكندره لفليسكو: وش نسوي في هالبلوه يافليسكو..؟؟
رد فليسكو: والله مادري .. بعدين أنا جايبك معاي عشان تساعدني .. حاول تفكر لنا في حل ..
قال الكندره : خلاص أنا بافكر في حل يطلعنا من هالورطه ..
وبينما الكندره يفكر نام وهو فوق الخيل .. والتفت له فليسكوولقاه نايم .. اقترب فليسكومن الكندره ومحطه على راسه وقال له : هاللحين أقول لك فكر في حل وتنام ..!!
رد الكندره وهو مذعور : معليش معليش .. لكن يافليسكوأنا كل ماحاولت أفكر أنام لأن مخي مايتحمل التفكير ..
رد فليسكوبعصبيه : والله إني داري إن مخك مافيه إلا مناديل وغطيان بيبسي .. لكن أمش وانت ساكت ولاعاد تحاول تفكر ..!!
وبعد فتره من المسير وقف فليسكووالكندره عشان يستريحون ويطبخون عشاهم .. وقال فليسكوللكندره : وش تبينا نسوي عشا ..؟؟
رد عليه الكندره : والله أنا لي نفس في مكرونه ..
قال فليسكو: المشكله إن مامعنا إلا رز بس .. كننا عمال اندنوسيين ..
رد عليه الكندره : والله مشكله .. لأني ما أحب الرز ..
قال فليسكو: طيب خلاص أنا بسوي لنا رز واعتبره مكرونه ..
رد الكندره بفرح : إيه كذا تمام لأني ما أداني الرز ..!!
وبعد ان تعشى فليسكووالكندره انسدحوا جنب بعض عشان ينامون ويكملون مشوار البحث عن محماس في الصباح ..
وبينما هم منسدحين قال الكندره لفليسكو: انت لك في النت يافليسكو..؟؟
قال فليسكو: لا والله انا حدي آله حاسبه ..
رد الكندره .. آآآآآه يافليسكوالنت هذا بلاوي ..!!
قال فليسكوبحماس : ليش وش صار لك ..؟؟
رد الكندره وهو مستلقي على ظهره ويطالع النجوم .. انا تعرفت على وحده في النت وحبيتها .. كنت كل يوم أدخل ألعب انا وياها في النت ...
قال فليسكو: وش تلعبون ..؟؟
رد الكندره : نلعب لعبه اسمها الكوبه .. وحده اسمها هناء فديت قلبها .. بنت محترمه يافليسكو.. تصدق ماتلعب معاي إلا واخوانها معانا .. واحد اسمه أشرف والثاني اسمه سمير .. عشان كذا ماقدرت أعترف لها بحبي لها .. وهي تلعب بدون ماتقول ولا كلمه لأنها خايفه من اخوانها .. ولي سبع سنوات يافليسكووانا على هالحال .. ما أقدر اصارحها بحبي لها .. وهي ماتقدر تعترف بحبها لي قدام أشرف وسمير .. علمني يافليسكووش اسوي وكيف اتصرف معاها ..
والتفت الكندره على فليسكوولقاه نايم .. والتفت الكندره على الجهه الثانيه ونام هو بعد ..
وفي الصباح قام فليسكووالكندره وهم مفجوعين على صوت خيول وناس محاصرينهم .. وقف فليسكووالكندره
