السلام عليكم ورحمة الله وبركاته
تعالوا وحلقوا معي في عالمي الخيالي لنمتطي سحابة فضية ... أجوب
بكم الأرض بالمغامرات لنزرع البسمة على شفاه الزهور .... خيالي
الخصب سيحكي قصص كأنني عايشتها والتمستها وهي ليست بواقع مغامرات
في عالمي الخيالي ( سوف أسرد القصص بالعامية مع بعض الحوار )
بما انه موسم السفر ستكون قصصي عن السفر أتمنى ان تنال اعجابكم
في يوم الكل فيه طفران ( متملل) وكل واحد يحاول يضارب الثاني بس
كتسلية دخل اخوي علينا ووياه ثلاث تذاكر حجز له ولزوجته ولي للسفر
الى السعودية لأداء العمرة انا طرت من الفرحة وأخيرا بنسافر المهم
سرنا السوق اتشرينا الأغراض والملابس وماخلينا شي ( فرحة اول سفرة
تكون جي خخخخ ) وصلنا المطار وتم التفتيش على الجنط خلصنا وركبنا
هالطيارة وحنا طايرين من الفرحة ( عيال فقر خخخ) قعدت وياي حرمت
اخوي واخوي قعد مكان ثاني( خخخ رزه فرقت بينهم ) وعدت الساعات
وصلنا لمطار السعودية على العصروتمت التفتيشات المهم خلصنا تقريباعلى العشا
رحنا للفندق تعشينا طلعنا لغرفتنا الكل نايم وانا ماقدرت ارقد ابا
اشوف الكعبة ابا اظهر قلت لهم حنا يينا نرقد ولا نعتمر اخوي قال :
ارقدي نبض وباجر بنعتمر , طبعا ماعيبني الكلام سرت وفتحت باب الغرفة
اخوي حس قال وين رايحة ؟ قلت ابا اشوف كارادور الفندق خخخخخ المهم
مع طلتي براسي من الباب شفت حرمة مارة سلمت علي رديت السلام وسمعت
صوت اخوي يعتلي بصوته شيئا فشيئا يقول دشي يانبض المهم دشيت
وحرمة اخوي تسولف وياي لين ماياني الرقاد ابا ارقد وهي تقول نبض
انتي وياي اقول لها هيه كومبليت وانا اباها تسكت شوي فقلت لها
ابا انام شيخة رقدي قالت لا بعد ما نششتيني من رقادي تخليني
وترقدين قلت لها عسى ريلج يعرس عليج خخخخ هي خافت انه اخوي سمعني
طالعتني بنظرت احتقار مع خوف ورقدت خخخخ نشيت مع صوت الاذان والكل
نش مستعدين ليومنا الثاني رحنا للكعبة شعور لايوصف ركبي ماقدرت
اشيلهم يابختهم قوم مكة كل يوم يشوفونها وحنا نطوف وندعي سمعت رنة
تليفون وانا تذكرت اني اغلقت موبايلي يعني مب انا الكل منشغل شفت
ريال رد على تليفونه بالصوت العالي تبغين بيض وتايد ماعرف ليش
يتني ضحكة ابا اضحك طبعا بكوع حرمة خوي سكت وكملنا وخلصنا اخوي
قال سيروا انتوا للفندق لاني بيعتمر مرة ثانية
حنا عارفين وين مكان الفندق شارعين واحنا واصلين بس حرمت اخوي قالت
بناخذ تكسي لانها تعبت من المشي المهم رحنا ندور تكسي تمينا واقفين
يت حرمة ويانا تركبوا الليموزين قلت ليموزين وين هي ؟:050103big_prv:
قالت التكسي ؟ قلت ماشا الله التكسي ليموزين عندكم صراحة فخفخة
المهم وقف لنا واحد ويا سيارته قالت الحرمة هذا اليموزين التكسي
عندهم ليموزين يسمونه وانا على بالي ليموزين الليموزين تششتت
احلامي هم دشوا للتكسي انا مادشيت قاعدة اسأله عن السعر ( ذكاء خخخ) قال : بيوصلنا للفندق بـ 50 ريال قلت : بخمسين ريال ؟!!
ليش انته بتخطف على شارعين بخمسين لا حدك 15 ريال الريال كانت بتييه
سكة قلبية خخخخ قال 15 ريال ؟! ياجماعة شوفوها قالت بخمسين
ريال ؟!!ويضحك قلت : بكيفك غيرك يبا يترزق توكل على الله المهم
طلعت حرمت اخوي وهي تكلمني خلاص يانبض بنعطيه قلت شوفي بنسير مشي
المهم تم الريال واقف ويا سياراته حالتها حالة ليتها مفلع ومكسور
لو الدرب بعيد بنقول هيه يستاهل الخمسين الريال تم واقف يتريا
مشاوراتنا وسألنا اتفقتوا على شو رديت 15 ريال تبا ؟ المهم شاف
الريال مافي فايدة قال يله امري لله دشينا للتكسي وصلنا عطيته 30
ريال ؟ سألني عطيتيني زيادة قلت شفت الدرب يستاهل 30 ريال اخذها
وهو يضحك خخخ ( اصلا كسر خاطري )
وصلنا للفندق شفت الحرمة الي سلمت علي وهي من نجران قالت تتذكريني
قلت لها : ولم لا
البقية غدا بإذن الله تعالى اذا عيبتكم بكمل ....
وداعة الله
