يلا يا أحلى العصافير لنرفرف مع هالنسمات بجناحات الشوق نطير ...فوق جنينة الحكايات
نتفرج ع قصة إلنا عن عصفورة حلوة متلنا ألّفناها و تخيلنا إنها معانا بهالحياة
يلا نسمعها و نرويها يلا هات يلا هات
هالعصفورة جمعت عشا قشة قشة لتبنيه يا بتطير و يا بتتمشى ما بتهدا حتى تنهيه كل همّا تأمن هالمسكن تزرع كم بيضة و تأمن تدعي الله يحفظهم من كل شرور الكائنات
بدكن هالقصة نكفـّيها؟ يلا هات يلا هات
عصفورتنا الله رزقها و طلعو الصيصان الحلوين شو فرحت شكرت خالقها و هنّ بحضنا متطمنين يومية تشوفلهن رزقة و حلوقن تروي من حلقا ما عرفت أو ظنت حقا منا حيضيع بلحظات
بدكن هالقصة نكفـّيها؟ يلا هات يلا هات
رجعت عند اولادا مرة و قلبا بالغصة موعود صدمتها الحقيقة المرة في واحد منهن مفقود صرخت دمعت عينا بكيت لكن عن أملا ما تخلت ضلت تدعي و طلعت و نزلت بتدور بين الطرقات
بدكن هالقصة نكفـّيها؟ يلا هات يلا هات
لما تعبت وهلكت ورجعت ع العش بخاطر مكسور تحت العش صغيرا لقيت نايم متل عيون الحور الله اللي خالقهن أرحم منها بولادا و بيعلم مافي حدا من حقه يظلم حتى طيور و حيوانات
لو نتعلم منها الرحمة و نتعلم نرحمها شوية نبقى بخير و تبقى الأمة شمس تنوّر ع البشرية و ترشدها درب الجنات
