معن كلمه (سيس )

لما تكون ماشى فى الشارع وحد يقولك مثلا

ازيك ياد يا سيس

لو صاحبك ممكن تقبلها منو وتقول برضو اهو صاحبك وواكل معاك عيش وبسطرمه

لما حد غريب عنك يقول

تصدق انتا عيل سيس

اكيد ممكن تقلع اللى فى رجلك وتطبع النعل فى وشو او تديلو على عينو

وفرضنا مثلا انك دقمشت الزبون واديته علقه مكلهاش حصان فى مطلع

وجيه واحد تانى ملوش اى عازة وسألك وقالك

انتا بتضربو ليه يابو الكباتن ؟

اكيد هاتقولو عشان قالى : تصدق انتا عيل سيس

طب لو زنقك وحط معاليك فى مأزق وقالك : يعنى ايه سيس ؟؟

هاتقولو ايه بقى ساعتها ياابو الكباتين

اكيد مش هاتعرف ترد

لانك اساسا مش عارف يعنى ايه كلمه سيس

بصراحه ياجماعه ابقى مش تمام لو قلت ان كلمه سيس ملهاش معنى

وابقى بفتى لو قلت ان ليها معنى معين

بس كاعادتنا بنطلع الفاظ عجيبه واحنا اصلا مش عارفيين معناها

تعالى نروح ونشوف يترى الصيع والعواطليه وتجار المخدرات قالو ايه عن كلمه ( سيس )

سيد الديك ( سواق ميكروباص ) قال :

والله يا باشمهندز هى كلمه سيس على طول فى بقنا ودايما بنقولها للشخصيه اللى مشكوك فى امرها

ولما سألنا المعلم رجب بوز التاكس ( سواق تاكسى ) قال :

شوف يا رياسه الهاريه كلها تتخلص فى كلمتين

لو انتا مش عارف معنى كلمه سيس تبقى فعلا شاب سيس

وبرغم ان رأى المعلم رجب مجبش مفيد لكن حقيقى طلعت منو بمعلومه مكنتش اعرفها عن نفسى

وهو انى ممكن فعلا يكون كلام عم رجب صح وابقى سيس فعلا
والاقى بقى العيال الصغيرة فى الشارع تقول السيس راح والسيس جيه
وشويه شويه وهلاقى نفسى بقيت سيس فعلا
وماشاء ماشاء الله كمان سنه ابقى شاب سيس درجه اولى

واعمل منظمه ال ses العالميه
وبعديها يبقى فى مدرسه لتخريج شباب سيس زى الفل
طب وكل دة ممكن يحصل فعلا لو معرفتش على وجهه السرعه
يعنى ايه كلمه سيس ؟
كملنا مسيرتنا اللى بدأنها فى اول الموضوع

ورجعنا نسأل كل الشباب الهابط المستوى واصحاب المستوى الردىء فى طريق بولاق الدكرور

سألنا عم روزة العابدينى ( تاجر سلاح اد الدنيا ) وقال :

شوف يا رياسه سيس معناها بيساوى كلمه بتبدأ بحرف ال ********

قعدت اعصر دماغى عشان اعرف اوصل للكلمه اللى هو قصدة عليها

ورديت ببلاها وقولتله: الكلمه اللى انتا قصدك عليها ياعم روزة هى كلمه ( خيل ) صح ؟

بصلى بقرف وسابنى ومشى

وانا برضو معتقدش ان الخيل بقت شتيمه اليومين دول

رجعت عشان اركب واروح وافكنى من الهلاوس دى
قابلت فى طريقى عم سامسون (تاجر بورشام ) ورد وقال :

انا مش فاهم منك حاجه اتكلم براحه عشان افهمك

عيدت ليه السؤال تانى
لقيته سابنى ومشى وهو مبلم وبيقول بصوت واطى : بيقول ايه دة ؟

وفى النهايا ياجماعه لازم احط خط احمر على كل كلمه قولتها

الفاظ كتير بتتقال فى مصر ملهاش اى معنى
ممكن تكون طلعت فى ظروف غامضه او قالها واحد فى قاعدة لطيفه
الالفاظ دى دخلت بيوتنا

واصبحت بتتقال بكذا نيه

وبرضو فى الفاظ تانيه زى مثلا على سيبل المثال وليس الحصر

عيل خوستيئه

شاب خيش وقش

بنت اومليت

بنت واتكه

وبعدين انا ملاحظ برضو انتشار كلمه بيس

وكلمه بيس بتتقال عندنا بمعنى قشطه او انا موافق

واساسا كلمه بيس معناها ( سلام )

انا بحزر كل شاب وكل فتاه بعدم الهتاف بمثل هذة العبارات

لان كل واحد بيفهمها بنيه مختلفه

ومش بعيد تلاقى ابنك بيقولك : بابا السيس جيه

ولا تلاقى اخوكى الصغير بيقولك : اختى الوتكايه جت

متهيألى لو استخدمنا لفظ فرس هايبقى اهون شويه

على الاقل لفظ متداول ومعروف معناها

وعلى فكرة عنترة ابن شداد كان دايما بيشبه عبله بالفرس

زائر

كل الشكر على موضوعك الرائع

دمتِ بكل الود

موضوع جميل بجد يا لولو
بس تعرفي انا محبش فعلا الناس اللى بتتكلم الأسلوب ده
احس انها عالم مش متحضرة
ولما حد من صحباتى تيجي تقولى كلام من ده
انا بزعل معاها
لانى متعودتش انى اتكلم بالطريقة دى !
والالفاظ دى انتشرت فى مصر اوى
والناس عادوا واخدينها هزار
بس هنعمل ايه
ندأ بنفسنا الاول
ولا ايه رأيكك ؟

يمنى كتب:: موضوع جميل بجد يا لولو
بس تعرفي انا محبش فعلا الناس اللى بتتكلم الأسلوب ده
احس انها عالم مش متحضرة
ولما حد من صحباتى تيجي تقولى كلام من ده
انا بزعل معاها
لانى متعودتش انى اتكلم بالطريقة دى !
والالفاظ دى انتشرت فى مصر اوى
والناس عادوا واخدينها هزار
بس هنعمل ايه
ندأ بنفسنا الاول
ولا ايه رأيكك ؟

طبعا يايمنى عندك حق
وحشانى والله ووحشنى كلامك الجميل
منوره الموضوع بقوه

شكرا لمروركم العطر
منورين الموضوع بقوه

آلسلإآم َعليكمَ
شششكراً . . للتفسسيرَ ]
جززإكِ آلله َخخخيرَ ْ
مععَ آلسلإآمه َ

انا ماعممري سمعت فيها

ولا احد قال ليا هاذي الكلمه

بس الله يسامح الي يقولهــا :بابلابايب:

ماشى يا الاء الصراحة لم اقرأالموضوع بس باينه حلو .. :) [ندعوك للتسجيل في المنتدى أو التعريف بنفسك لمعاينة هذه الصورة]

اهاا
منورن يابنااات
الصفحه نورت
وعلى فكره الموضوع فرفشه مش حاجه
يعنى الكلام اللى فيه هزار
ههه

AlBrincesa كتب:: اهاا
منورن يابنااات
الصفحه نورت
وعلى فكره الموضوع فرفشه مش حاجه
يعنى الكلام اللى فيه هزار
ههه

هعهع َ
إنإآ صصدقتت َ . . لإآني مإ
آعرفهإآ آسآسإً :jhg:

هههههههههههههههههه
لا هو فرفشه الكلام مش بجد اصلا
الكلمه دى ملهاش معنى من الاساس

[ندعوك للتسجيل في المنتدى أو التعريف بنفسك لمعاينة هذه الصورة]خذى ورد ثانى [ندعوك للتسجيل في المنتدى أو التعريف بنفسك لمعاينة هذه الصورة]

» ايش توجهي لــــديووووومهـــــ كلمه حلوو"هــ
» كمل كلمه صديق ___ واكتب اسم اعز صديق
» ماذا يحدث عند نطق كلمه : الله
» كلمات انشوده يعنى ايه كلمه وطن
» كلمه لم يعرف العالم معناها